Radnici D.O.O. “Komunalno – Berane”, pored redovnih aktivnosti, očistili su juče nekoliko lokacija u gradu. Nagomilani otpad uklonjen je kod Parka pored Lima, ulice oko mosta ka Haremima i dio oko škole “Radomir Mitrović”.
Akcije čišćenja, koje će se nastaviti i narednih dana, predstavljaju napore lokalne samouprave i Komunalnog preduzeća u cilju stvaranja ugodnijeg i zdravijeg okruženja za život.
Stoga, uputili su još jedan apel građanima da urede dio oko svojih privatnih posjeda i dvorišta, kako bi zajedničkim naporima i snagama učinili grad ljepšim.