Berane jutros osvanulo u smjeni sunca i oblaka. Čas se kroz oblake probije sunce i na trenutak uljepša jutro, a već narednog trenutka sve ponovo prekrije sivilo. Hladno je, pravo jesenje jutro, pa se osjeti da je toplija garderoba već postala neophodna.
Na ulicama ima automobila, saobraćaj polako teče i grad nije potpuno miran, ali ljudi su nekako slabije prisutni nego inače. Kao da hladnoća tjera većinu da ostane u toplini svojih domova. Ipak, Berane ima onu svoju posebnu jutarnju atmosferu – mirnu, pomalo sjetnu i tihu, dok se grad polako budi i priprema za još jedan dan.
Sunce i oblaci se smjenjuju iz minuta u minut, a hladan vazduh podsjeća da se ljeto polako definitivno oprašta.