Nedelja je u Beranama. Grad polako usporava, ulice postaju sve mirnije, a užurbanost radnih dana kao da ostaje negdje iza nas. Nema velike gužve, nema žurbe – samo poneki prolaznik, svjetla koja se postepeno pale i tiha atmosfera koja najavljuje kraj dana.
Sunce polako zalazi, posljednji zraci obasjavaju krovove i ulice, dok se nebo mijenja iz minute u minut. Berane u suton izgleda posebno – mirno, toplo i nekako poznato. U toj tišini ima nešto što tjera čovjeka da zastane, pogleda oko sebe i jednostavno uživa u trenutku. Nedelja uveče ima svoj ritam. Grad se priprema za novu sedmicu, ali večeras još nema potrebe za žurbom. Sve je sporije, tiše i opuštenije.
Možda upravo u tim mirnim večerima najbolje vidimo koliko naš grad može biti lijep. Berane u suton – bez velike gužve, bez buke i bez žurbe. Samo grad, ljudi i posljednji tragovi dana.