U našim krajevima potrošnja električne energije u zimskim danima je uglavnom veća nego ljeti. Više boravimo kući pa koristimo više električnih aparata, kako za grijanje, tako za spremanje hrane i još po nešto. Kakvi su decembaraki računi ove godine u odnosu na prošlu i kako naši sugrađani troše struju, saznali smo u kratkom razgovoru sa njima.
“Ne sjećam se najtačnije, ali mislim da nije primjetna neka razlika. Meni su zimi malo manji računi jer se grijemo na drva i dosta spremamo na taj šporet”, kaže Anđela.
Slobo ima malo drugačiji odgovor, “Možda je malo manji ove godine, ali nije ništa specijalno. Oko 32 eura je ove godine”.
“Pa ove godine nam je veći račun jer smo praznike proveli kući. Prošle godine nam je bio oko 35 eura, a ove blizu 50 eura”, odgovara Ljilja.
“Mislim da je isti kao prošlogodišnji. Zimi smo više kući pa malo više trošimo”, kratko govori Zoran.
“Ne znam, ne vodim računa o tome, ali mjecečno mi nikad ne dođe ispod 30 eura, ali nije ni veći od 40, već zadnjih par godina” priča Jelena.
“Mislim da je manji, ali to je zato što smo mijenjali dotrajali bojler, instalacije i postavili smo novo brojilo. Skoro pa duplo su nam manji računi”, kaže Ranko.
“Isti su stalno iako ne trošimo svakog mjeseca isto, i nekad bude i previše. Zimi nam nestane nam struje po par sati ili dana u zavisnosti od vremena, a računi su isti. Ali je bitno da više plaćamo za održavanje takve mreže nego za potrošnju”, objašnjava Slavica.