Goran Sekulović predložen je danas, na sjednici Administrativnog odbora, za člana Savjeta Radio i Televizije Crne Gore (RTCG), prenosi MINA.
On će na toj funkciji zamijeniti Gorana Đurovića koji je razriješen zbog kršenja Zakona o sprječavanju korupcije. Kandidat za člana Savjeta RTCG bio je i Radoš Mušović. Sekulovića je za ovu funkciju predložilo 135, a Mušovića 36 nevladinih organizacija.
Za članstvo u Savjetu Agencije za elektronske medije predložen je Budimir Damjanović. Kandidati su bili Nataša Vujanović i Zoran Vujičić. Damjanović će zamijeniti Darka Ivanovića koji je razriješen zbog kršenja Zakona o sprječavanju korupcije.
Predloge Administrativnog odbora za imenovanje Sekulovića i Damjanovića treba da verifikuje crnogorski parlament.